balagtasan

[ssjmarquez]

Sa aking pagkabuklat sa bawat pahina
NgThread nitong Mabuhay
Ang puso ko at isipan ay tunay ngang nabighani
sa paguulat buhay ng bawa't OFW na nagbabahagi

Sa bawa't kwento ng ating mga kababayan
Matutunghayan natin kapwa lungkot at kagalakan.
Mga kwento ng tagumpay na dapat pamarisan
Meron din namang nasadlak sa kapariwaraan.

Kaya ang hamon ko sa bawa't mangagawang Pilipino
Magtulungan ang bawa't isa para tayo'y umasenso
Taas noo mong ipakita saan man sulok ng mundo
Tayo'y Pinoy hindi padadaig kahit kanino


Salamat po!!!

[ellen]

akoy natutuwa sa mga kababayan kong makata
kaya akoy d nagdalawang isip na gumawa ng katha
akoy isang ginang ,d2 sa japan hanggang ngayon ay namamanata
sa ating bansa na sanay maging mariwasa...

bagyong dumaan.kumitil ng buhay ng mga kababayan
puso koy namighati ,panalangin ay ibabahagi ,pagsubok ng kapalaran,
ating tandaan..laging paghandaan dahil yan ay dadaan.
panalangin mabisang paraan,pagtulong pa rin sa kapwa ang ating ilaan.

mga kababayan ko sa buong mundo,mag kaisa tayo sa panalangin na ito..
ama namin sa langit,sanay pakinggan nyo,kaming pinagpala nyo..nakikiusap po sa inyo
ibahagi po ninyo sa mga kababayan ko .magandang buhay..ipagpala sa naniniwala sa inyo
bawat pagsubok na harapin nila.naway malutasan ng walang buhay ng mawawala...amen

[jaybidd]

Ngiting matamis sa labi'y nakaukit
Subalit sa kalooba'y ahenhong kaypait
Katotohanang kayhirap iwaglit
Ng mga kaluluwang nagpapakasayang pilit

Noon at ngayon,marami nang panahon
Mga taon at alaala lumisang pagayun-gayon
Katulad ng ulan o kaya nang ambon
Pilit mang iwaksi sa nakaraan pa rin tumatalunton

Sa bawat paghakbang sa kasalukuyan
Anino ng kahapon pa rin ang makapangyarihan
Magtago man at lumitaw ang araw sa maghapon
Ang mundoy, bumabalik pa rin sa dating orasyon

Ang dahong nakadikit sa punong mayabong
Bukas makalawa'y sa lupa'y nakabunton
Ang tilaok ng tandang sa bukang liwayway
Ligaya kaya o kasawian ang tinataglay?

[ellen]

ke bb.klaudia tunay na ako'y napahanga.
sa taglay nyang bait at talino.tunay syang pinagpala
sa mga kabataang tutulad sa kanya.lahat ay mahahalina
sa balagtasang ito sila'y makikisama.

akoy isang bulakenya,sa hagonoy nagmula,
sa bayan ni balagtas.doon ko namana..
ang maging makata.kahit tumanda na,
isang karangalan.. sa mabuhay city ako'y napasama

mga hinaing ,problema, lungkot sa buhay ay isantabi muna,
halina ating opinyon,ating ilabas na ,ibuhos natin ang talino,
sa balagtasan kuro kuro'y ating isiwalat na ,mga kabayan ko
tayoy magumpisa na......mabuhay tayong mga pinoy pinays..
salamat po....

[regay]

Iniluwal ka ni Inay na siya’y naka-ngiwi

Bini-bendisyunan mo siya ng iyong ihi

Kapag ika’y ngumingiti, siya nama’y natatawa

Kung ika’y umiyak na, siya nama’y trumpong taranta


Hindi ka madapuang-lamok

Ang gumising sa’yuy may suntok

Sa karga niya ika’y nahihilig

Kung halikan ka niya’y sa leeg


Nakasalo siya kapag lumalakad ka na

Una siyang nabubuwal kapag ika’y natumba

Kapag tumakbo ka na’y meron siyang hagikhik

Kapag kayu’y namahinga, siya ang mas-pawis


Sa pag-aaral mo, pati siya’y natututo

Pilit niyang inaalam yaong ingles sa ‘yung libro

Kung dumapit-panahong mas marami ka ng alam

Tanggap niyang ika’y henyo at siya’y isang mang-mang


At kung ikaw ay may sakit, siya ay di-mapakali

Kung maari ay siya nalang yaung higa sa’yung banig

Kung kailangang ang bakuna ay dumapo sa ‘yung bisig

Mariin siyang naka-pikit dinadala ang ‘yung hapdi


Ngayung ika’y malaki na at merong ng wastung-isip

Nasusunod ang ‘yong gusto kahit na siya’y nagagalit

Minsang ikaw ay nagdamdam dahil sa pagkakamali

Hagulhol mo’y tinatakpan sa kanyang dibdib


Wala kang sumbat na nadinig…wala siyang sinambit

Ang tanging sabi lang sa ‘yo, sa isip mo’y di-mawaglit

Anak, naman… makinig ka… ‘pagkat ako ang ‘yung Ina…