balagtasan

[Klaudia]

Balagtasan
Original by dazz @worldlooper 6/02/07


Isang karangalan sitio na aking pinasukan
Tagpuan ng mga kapwa Pinoy na larangan
Aking nakikita, maraming paksang pinaguusapan
Akin ding idagdag ang isang paksang balagtasan
Ng muling mabuhay ang wikang ating pinagmulan.

Bagamat panahon pa ni Florante at Laura
Balagtasan na tinagurian ng mga makata
Muling bubuhayin ang wika ng mga Bulakena
Halina mga kababayan muli tayong magumpisa.

Sana merong makikipanayam sa pageensayo dito
Ng mahasa tayo ng husto sa wikang Pilpino
Mga kababayang kong pango huwag ng magtago
Ating ng umpisahan ang balagtasang nakakaenganyo.

Sadyang masarap pakinggan ang wikang kinagisnan
Lalo na pag mga kapanayam ay mga kaibigan
Sa bagong larangan na mukamo ang pangalan
Usapan sa wika na parang tunay na balagtasan.

May halo man na mga salitang banyaga
Ang inyong mga bibigkasin na mga kataga
Huwag dapat mabahala at walang problema
Maghalo man ang salitang banyaga sa ating wika
Huwag magatubli, walang problema, huwag mabahala.

Tayo'y magumpisa ng isang paksa,
Isulat lamang ang suhestiyon sa baba
Ating tunghayan at wala yan problema
Halina mga kaibigan tayo na'y magumpisa.

[Pepito]

Aking bibigyan ng pansin ang pagkain
Tawag dito ay ulam kasama ng kanin
Sangkap ay mga gulay at may karne ng baboy din
Kung wala, nabalatan na hipon ay puwede na rin

Ang pantimpla ay bagoong sa iloko o patis sa iba
May bawang, sibuyas at kamatis, sa iba ay may luya
Unang ilagak ang nagayat na karne bago ang iba
Ipirito ang mga ito hanggang lumabas ang mantika

Pagkatapos ay sundan ng napitipit na bawang at luya
Ilagay ang nagayat na sibuyas kapag ang bawang ay namula
Huwag kalimutan ang kamatis na may dalang asim na lasa
Ihalo na ang bagoong o patis para sa masarap na timpla

Dagdagan ng konting tubig para sabaw sa kanin
Ilagay ang kalabasa at sitaw pagkatapos pakuluin
Sundang ilagay ang talong, okra at muling pakuluin
Mga ilang saglit hindi oras, ito ay hintayin

O ayan may ulam na , pinakbet ang tawag nila
Ihanda na ang kanin para ma-umpisahan na
Sa mangkok na malaki, pinakbet ay ilagak na
Ngayon mga igan puwede na…KAINAN NA!!!

[Aggie]

Hanga at papuri

ang paukol ko

sa inyong dalawa,

Klaudia at Pepito!

Hanga ako.

[Klaudia]

Balagtasan ay nagsimula sa bayan ng Bulacan
Doon makikita at madidinig mga tunay na sagutan
Sa wika ang usapan ay nakakaaliw pakinggan
Kahit anong paksa dinadaan sa mga tulaan.

[nesotos]

aba at ano itong naumpisahan
balagtasan nga ba para sa bayan
ng ating pinuno na si binibining Klaudia
sinundan ni Ka Pepito ng lutong kay ligaya

tuloy naisip ko na tila dito nga
sa ating bansa mga negro ay nagsi-hanga
at dito nagmula ang mga unang rapper
tayo'y ginaya sila ngayon ay hip-hopper

kaya mga kabayan halina't sumali
sa munting timpalak na ito'y walang atubili
malay nyo at bukas ay meron nang premyo
sa inyo mapunta ang kampeonato

sundan lang and paksa ni Binibining Klaudia
gaya ni Ka Pepito kahit anu'y uubra...
wag lang magmura at manlait ng kapwa
ito'y tatangapin buong puso ng madla...

[lyka]

Kahanga-hanga ang ating founder na si Ms. Klaudia
Itong balagtasan nagsimula sa Bulacan pala
At sila Sir Pepito at Nesotos ay di rin nagpahuli
Kaya tuloy parang ako'y atubili..

Pero kahit ganyan ang inyong kagalingan
Ako'y hindi susuko sa sinasabing balagtasan
At ito nga aking susubukan
Upang kayo ay masabayan..

[nesotos]

malayo ka man sa sariling bansa
aking ikinagagalak itong nagawa...
ng isang butihing binibini...
sa kanyang kagustuhang makapagsilbi

itinatag ang mabuhaycity...
mga kababaya'y dito nawili
nagalak ang marami
at unti-unti ito'y lumaki

sana nga'y dumating ang panahon
ng lahat tayo'y magtipon-tipon
nang personal at makapag-salusalo
problema lang pamasahe sa eroplano

ngunit wag mag-alala
bagkus ika'y matuwa
malay nyo meron ditong tumama sa lotto
lahat ng pangarap nati'y magkatutuo

(ang title ko: sepsep sa founder!)

[Pepito]

Ginoong Nesotos, tayo na naman ay nagkita
Oops Si Binibining Lyka siya rin ay napasama
Ang kaniyang magandang katha ay aking nabasa
Kanyang nasambit, tayo ay masabayan niya

Hindi ka huli o kami man ay na-uuna
Sabay ka lagi sa amin, Binibining Lyka
Sa harap o sa likod namin ikaw ay wala
Ngunit sa tabi namin ikaw ay nakikita

[oiram]

Pasensya na mga kaibigan at akoy mahina sa balagtasan
dahil sa sariling wika na aking kinagisnan, sa aking sarili man
ay nagulumihanan pagkat ako'y di marunong at hamak lamang.

Na sa inyo'y nakikipagkaibigan, pagkat hangarin' ko'y tulad rin
ninyo ang kaligayahan na siyang magpapawi sa aking kalungkutan.

Kaya mabuhaycity ang siyang aking mapaglilibangan,
Kahit ako'y nasa malayong bansa na nakikigpagsapalaran
Dahil hangad ko'y umunlad at maka-ahon sa kahirapan
Sa pag-uwi ay dala ko ang kaligayan.

PASENSYA NA PO!

[nesotos]

aba si Ginoong Jose, nagparamdam muli...
at aking kaibigang Mar, salamat sa iyong pagtanaw
oo nga nagustuhan ko rin ang bigkas ni Binibing Lyka
sana si Binibining Klaudia muling magpakita...

ngunit meron lang akong napansin...
meron atang kulang dito sa atin
ang ama ng mabuhaycity,
tila wala pa ring nasasabi

kaya't ako'y nananawagan...
sa iyo Ginoong Chris ay masilayan
halina at dumalo dito sa amin
siguradong isang katerbang babae iyong dadalhin...

at dyan sa isa kong kaibigan...
Junior ang kanyang pangalan
tigilan mo muna iyong paglalaro...
sa arcade baka ika'y matuliro...